the balm jovi palette review باليت جوفى من ذابالم

ريفيو انهاردة عن باليت ظريفة جدا وباحبها انا شخصيا هى باليت jovi palette  من ذابالم
الباليت عملية جدا وفيها اساسيات ميكب الوجه
فيها 12 ايشادوز متنوعة من مات وشيمير وجلتر
وفيها بلش يليق لكل الوان البشرة
واضاءة رقيقة جدا
لونين كريمى ينفعوا بلش كريمى او لون شفايف

نشوف الباليت

اﻻيشادوز متنوعة 

دول البلش واﻻضاءة 

دول اللونين الكريمى 

مش باستخدمهم كتير بس شغالين 

دول سواتشز ﻻلوان الشادوز حتﻻحظوا انهم ناعمين وبيجمنتد ومريحين فى اﻻستعمال 

شايفين اﻻضاءة حلوة ازاى ولون البلش جميل وهادى 

الباليت اديها 9 من 10 عشان اللونين الكريمى الوانهم مش قوى 

بس باقى الباليت تجننننن 

اللى معاها الباليت دى ياريت تكتبلنا رايها كمان 

والى اللقاء فى ريفيو جديد 

Xo

الكولكشن بتاعى من ليب ستيك مابيلين My collection of maybelline lipsticks

ازيكوا يا احلى بنات 

انهاردة حاعمل ريفيو على اكتر براند عندى جايبة منها ليب ستيك 

واصلا باحبهم كلهم 

هى براند Maybelline 

الارواج فيها ناعمة جدااااا وبيجمنتد جدااااا 

جايبة منها 8 الوان 

وتنفع قوى للشفايف بتاعتهم جافة زيى لانها كريمى وكانك حاجة جلوس كمان 

اللون ده نيود ينفع للوكات السموكى او لما يبقى مكياج العيون قوى 

وده لون بنفع لكل يوم صبح او ليل وينفع لاى لوك سموكى او لايت 

باحبه قوى اللون ده 

واللون ده كمان باموووت فيه بيرلى شوية ينفع للصيف 

ده للوك البرونزى او اللى عايزة تغمق لونها لانه اصلا بيغمق لون البشرة 

ظريف بس مش باحطه كتير لانه كمان نيون شوية 

اللون ده قمر بنوتاتى خالص ورقيق جدااا بيحلى اى لوك 

وده لون فوشيا برضه جميييييل للصيف وراقى جداااا

اللون ده حلو للشغل او لخروجة ومش حاطة ميكب كتير تحطيه يبقى شيك

اللون ده عسسسسسل باحبه جداااا للنهار وبينور الوش 

انا كده خلصت اتمنى يكون الريفيو مفيد 

ْxo

لوك Make Up For Ever eye shadow

ازيكوا يارب تكونوا بخير من يومين عملت لوك من لونين من باليت MakeUpForEver  وعملت رسمة عين مختلفة عن كل مرة 

الايشادوز روعة بيجمنتد والوانها متنوعة والمت فيها جميل كنت عملت ريفيو قبل كده عن الباليت اللى جبتها 

اللوك بينك فى اسود وانا باحب اللونين دول مع بعض 

الخطوات 

البيس نيكس جامبو بينسيل ميلك 

وبيس اسود من سيجما sculpt 

واستخدمت اللون البينك على نص الجفن اللى جوة 

واللون الكورال على crease 

وبعدين اى لون اسود مت حطيته على نص الجفن اللى برة 

ورسمت ياللون البينك تحت العين 

ورسمت بالايلاينر جيل مابيلين كل العين 

الماسكارا كفرجيل بامبشيل ماسكارا 

لو عجبكوا اللوك حانزل فيديو طريقة عمله 

اشوفكوا على خير 

XO

اوردر من ELF & POND's

اوردر من ELF & POND's 

وحشتونى من اخر بوست ... جيبالكوا انهاردة اخر اوردر وصلنى هو اغلبه من براند elf  حاشرحه بالتفصيل 

دى صورة الاوردر كله 

 دول من elf عبارة عن 

من اليمين باودر ايلف هاى ديفينيشن 

الاتنين اللى بعده البلشز الجديدة من ايلف برضه 

اخر حاجة فرشة ايلاينر 

دى الفرشة عجبتنى لانها رفيعة ومتماسكة وان شاء الله لما اجربها 

حانزل ريفيو عليها 

ودى بودر high definition 

لسة مجربتهاش بس جايباها احطها تحت العين لتثبيت الكونسيلر 

هى اصلا بيضا بس لما بتتحط بتبقى شفافة  

ده فيتامين للشعر والبشرة جايباه لان شعرى ضعف 

وكمان جبت كريم الماكديميا وان شاء الله اعمل رفيو عليهم الاتنين بالتفصيل 

ده بى بى كريم من بوندز اول مرة اجيبه كنت الاول باستعمل جارنييه وكنت مرتاحة فيه بس حبيت اغير لسة حاجربه 

نيجى بقى للبلشز دى باليتات جديدة نزلت من ايلف 

منزلين درجتين dark / light 

جبت الدرجتين لان بصراحة لقيت الريفيوهات حلوة قوى وبيشكروا فيها جدا 

بس من السواتشز لقيتهم فعلا حلوين بس لسة مجربتهمش على الوش 

دى درجة dark الالوان روعة بيجمنتد جداااا 

وكمان درجات الالوان مميزة جداااا الاتنين اللى فوق على بينك 

اللى تحت نبيتى بس اللى على الشمال فيه جليتر بس حلو 

وباقى الالوان مت  

دى درجة light الالوان فاتحة ورقيقة جداااا 

اللون اللى على اليمين من فوق مش كونتور بس بيدى لوك sun kissed 

واللى جنبه طبعا بينك فاتح قوى 

اللى تحت على اليمين لونه بيتشى جميل جدااا

اللى جنبه لون بينك غامق شوية 

كل الالوان مت ماعدا البيتشى فيه جليتر بس خفيف قوى مش باين  اصلا 

خلاصة البلشز دى حلوين اوى من الانطباع الاول وان شاء الله لما اجربهم فى لوك حانزل ريفيو بالتفصيل 

انا كده خلصت يارب يكون الريفيو مفيد 

الاسعار 

بوندز 80 ج مصرى 

الفيتامين 125 ج مصرى 

البلشز الواحد 65 ج مصرى 

الباودر ب 65 ج مصرى 

الفرشة ب 45 ج مصرى 

الى اللقاء فى ريفيو جديد ان شاء الله 

فيديو جديد من باليت lorac pro to go

ازيكوا وحشتونى وكنت غايبة لانى كنت عيانة وكان عند ولادى امتحانات والحمد لله خلصت على خير قلت بقى انزل الفيديو هنا وكمان التفاصيل للمنتجات اللى استخدمتها ومش باينة فى الفيديو 

نبدأ الاول بالباليت 

باليت lorac pro to go 

من اجمل الباليتات اللى جبتها واهم حاجة فيها انها صغيرة تقريبا اد كف اليد وفيها 

ايشادوز وبلشز وبرونزر وكلهم خامتهم جميلة وانا اصلا براند لوراك من البراندت المفضلة بالنسبة لى 

ده اللوك اللى عملته من الباليت 

ودى الباليت 

الوان الشادوز 

دى الوان البرونزر والبلشز
البرونزر مطفى جميل جدا زى ماحتشوفوه فى الفيديو
والبلشز برضه جميلة جدا واحد بينك وواحد بيتشى

استعملت بعد ما رطبت وشى بكريم مرطب وحطيت برايمر ميكب فوريفر 

حطيت باودر ماك 

وده البيس للعين من سيجما

عملت على الشفايف ليب لاينر من كاتريس








والليب ستيك من مابيلين لون نيود

 وده جلوس من نيكس جميل جداااا

ودى فرشة ELF استعملتها للكونتور حلوة جدااا 

 وده اللوك النهائى

اسيبكوا بقى مع الفيديو 

 

يارب يكون اللوك عجبكوا واى سؤال انا موجودة باذن الله 

xo